Úrdráttur úr 5. kafla

Tregða hlutar er tilhneiging hans til að forðast hraðabreytingar. Massi hlutar er mælikvarði á tregðuna. Massi er eðlislægur eiginleiki hlutar, óháður staðsetningu.

Kraftur er verkun sem leiðir til aflögunar og/eða hröðunar. Heildarkraftur [2] sem verkar á hlut veldur alltaf hröðun Annað lögmál Newtons sýnir samband hröðunar hlutar og krafts sem verkar á hann. Það gildir aðeins í tregðukerfi

SF = ma

Og ef þetta er hlutað upp í liði er það:

SF_x = ma_x SF_y = ma_y SF_z = ma_z

Þyngd hlutar

W = mg

er heildar þyngdarkraftur sem verkar á hann.

Þriðja lögmál Newtons segir að

F_AB = - F_AB

Krafturinn F_AB sem verkar á hlut A út af hlut B er jafn að stærð og í öfuga átt miðað við F_BA, krafturinn sem verkar á B út af A. Þriðja lögmálið bendir til þess að kraftar komi alltaf í pörum (átak-gagntak).

Sýndarþyngd [3] hlutar er krafturinn sem verkar á hann af yfirborðinu sem hann er á. Hlutur í frjálsu falli virðist þyngdarlaus en raunveruleg þyngd hans er ekki núll.